Home Aktualitet Përplasje në Kuvend, ndërpritet seanca/ Gjoni i merr mikrofonin nga dora Shalsit

Përplasje në Kuvend, ndërpritet seanca/ Gjoni i merr mikrofonin nga dora Shalsit

nga Albina Hoxhaj

Përplasje dhe tension në seancën e Kuvendit. Pas fjalës së deputetit Ralf Gjoni, fjalën e ka marrë zv/kryeministri Erion Braçe. Nga foltorja Bracce i është drejtuar Gjonit teksa e pyet se ccfarë i ka vjedhur, referuar fjalës së deputetit që mbajti në foltore.

Çfarë të kam vjedhur unë ty, ç’a të kam vjedhur unë ty?!”– tha Braçe.

Pasi zv/kryeministri mbaroi u largua nga foltorja dhe fjalën e mori ministri Eduart Shalsi. Gjoni kërkoi të drejtën e replikës dhe nuk iu dha.

Duke qenë se kjo gjë iu refuzua, Gjoni vrapoi për në foltoren e Kuvendit dhe mori mikrofonin, duke dashur t’i përgjigjet Braçes. 

Me tone të ashpra, Gjoni ka kërkuar të merren masa ndaj Shalsit dhe Braçes, pasi tha se është ofenduar me shenja fyese.

“Unë nuk fyeva asnjë person me emër dhe iu përmbajta rregullores. Ndaj meje si deputet janë përdorur shenja fyese dhe kërcënuese, e mimika kundrejt meje. Është e pafalshme që ekzekutivi sillet në mënyrë fyese. Parlamenti po kthehet në një noter i cili fyhet. Zoti kryetar është detyrimi juaj të merren masat”, tha deputeti Gjoni, ndërsa zv.kryeministri ka shpërthyer në të qeshura.

Truprojat rrethuan foltoren, ndërsa Shalsi qëndronte në këmbë duke qeshur. Më pas kryesuesja e seancës Vasilika Hysi vendosi pushim për disa minuta.


Lajme te ngjashme