Home Aktualitet Apeli i mjekut të njohur për Ramën dhe Manastirliun: Janë 4-5 mijë raste në ditë me Covid…

Apeli i mjekut të njohur për Ramën dhe Manastirliun: Janë 4-5 mijë raste në ditë me Covid…

nga Editor

Eksperti i shëndetit publik, Erion Dasho, në një postim në rrjetet sociale, shprehet se nisur nga numri i vdekjeve që raportohen çdo ditë, 15-20 persona, numri i rasteve të reja ditore me koronavirus është në shifrat 4-5 mijë.

Dasho thekson se nëse kapen 700 apo 800 raste të reja në ditë dhe raportohen 15-20 vdekje, do të thotë se nuk testohet.

“Çdo ditë kanë nevojë të shtrohen në spital rreth 200-250 persona. Në se nuk shtrohen, do të thotë se i ke lënë në shtëpi pa kujdes shëndetësor!

Çdo ditë kanë nevojë për kujdes reanimator rreth 50-60 persona. Në se kjo nuk ndodh, tregon se nuk ke mjaftueshëm shtretër reanimatorë, pajisje dhe personel!”, shkruan Dasho.

Në vijim, Dasho thekson se ministrja Ogerta Manastirliu duhet të merret me këto dhe jo të bëjë propagandë me 400 mijë testet e shpejta që duhej t’i kishte sjellë që në shtator!

“Me këto duhet të merret kryeministri sepse edhe sikur takimet e veta “sy më sy” të bëjnë çudinë, deri sa të nisë vaksinimi, rrezikojnë që vetëm zyrtarisht të kenë vdekur disa qindra (për të mos thënë mijëra) shqiptarë!”, shkruan Dasho.

Postimi nga Erion Dasho

NJË TRAGJEDI NË ZHVILLIM TË PLOTË!

Kur numri i vdekjeve nga COVID ka arritur 15-20 çdo ditë, kjo do të thotë se:

1. Numri i rasteve është diku midis 4 dhe 5 mijë në ditë. Në se kap vetëm 700-800, do të thotë se nuk teston!

2. Çdo ditë kanë nevojë të shtrohen në spital rreth 200-250 persona. Në se nuk shtrohen, do të thotë se i ke lënë në shtëpi pa kujdes shëndetësor!

3. Çdo ditë kanë nevojë për kujdes reanimator rreth 50-60 persona. Në se kjo nuk ndodh, tregon se nuk ke mjaftueshëm shtretër reanimatorë, pajisje dhe personel!

Me këto duhet të merret ministrja Manastirliu dhe jo të bëjë propagandë me 400 mijë testet e shpejta që duhej t’i kishte sjellë që në shtator!

Me këto duhet të merret kryeministri sepse edhe sikur takimet e veta “sy më sy” të bëjnë çudinë, deri sa të nisë vaksinimi, rrezikojnë që vetëm zyrtarisht të kenë vdekur disa qindra (për të mos thënë mijëra) shqiptarë!

15 humbje jete në ditë, do të thotë 450 humbje jete në muaj, ose 1,350 humbje jete të deklaruara zyrtarisht deri në fund të dimrit!!!

Mendo për humbjet e jetës që manipulohen!!!

Mendo për ata që humbin jetën në shtëpi!!!

COVID është kthyer në tragjedi për shqiptarët në sajë të papërgjegjshmërisë së atyre që na drejtojnë!

Koha është për veprim dhe jo për demagogji e manipulime!!!

Lajme te ngjashme

error: Alert: Content is protected !!