Ish-bashkëshorti i dënuar me 14 vjet burg në Itali, fierakes i sekuestrohet 1.5 milionë euro pasuri

Read Time:1 Minute, 42 Second

Policia e Fierit ka përfunduar me sukses operacionin e koduar “Kuadrati”.

Në kuadër të këtij operacioni, u sekuestrua pasuria e shtetases R.H 49 vjeçe me vlerë totale 1.5 milionë euro.

Shtetases në fjalë iu sekuestrua pasuria e dyshuar e ardhur nga aktiviteti kriminal, pasi ish bashkëshorti i saj Shaban Zenaj ishte dënuar 14 vjet burg në Itali për trafik droge.

Njoftimi i policisë:

Fier

Në kuadër të luftës kundër pastrimit të parave, gjurmimit dhe identifikimit të aseteve që janë përfituar nga veprimtari kriminale u finalizua operacioni policor i koduar “Kuadrati”.

Vendoset sekuestro preventive mbi disa pasuri me vlerë rreth 1 500 000 euro, të cilat dyshohet se rrjedhin nga veprimtaria kriminale e subjektit.

Nga Seksioni për Hetimin e Krimit Ekonomik e Financiar në Drejtorinë Vendore të Policisë Fier, në bashkëpunim me Prokurorinë e Rrethit Gjyqësor Fier, pas një hetimi disamujor, u bë i mundur finalizimi me sukses i operacionit të koduar “Kuadrati”, si rezultat i të cilit u bë ekzekutimi i vendimit të Gjykatës së Shkallës së Parë Fier, datë 26.11.2020, për vendosjen e sekuestros preventive ndaj pasurive të shtetases R. H.,(Z)., 49 vjeçe, banuese në Fier.

Në zbatim të vendimit të Gjykatës u bë i mundur sekuestrimi i pasurive të luajtshme e të paluajtshme, ku vlera totale e pasurive të sekuestruara në Vlorë dhe Pogradec shkon rreth 1.500.000 euro, konkretisht:

Një bar restorant në Skelë, Vlorë;
Një apartament në Vlorë;
Një apartament në Pogradec;
Një automjet tip “Benz”.
Shumat e konfiskuara dyshohet se janë produkt i veprës penale “Trafikimi i narkotikëve”, për të cilën ish-bashkëshorti i saj, shtetasi Shaban Zenaj, i ekstraduar në Itali, është dënuar nga autoritetet italiane me 14 vjet burg.

Këto sekuestrime pasurore janë në kuadër të procedimit penal, ndaj shtetasit Shaban Zenaj, si person i dyshuar për kryerjen e veprës penale “Pastrimi i produkteve të veprës penale ose veprimtarisë kriminale”.

Vijojnë hetimet dhe verifikimet për evidentimin e pasurive të tjera që mund të jenë në emër të këtij shtetasi dhe personave të lidhur me të.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Basha publikon videon me historinë e vajzës nga Lezha: Të rinjtë skanë mundësi punësimi, ne do ta ndryshojmë këtë situatë
Next post Afera e rindërtimit të shkollave në Durrës, qeveria ndërton me dyfishin e çmimit. PD: Drejtësia të mos flerë mbi dosjet e hajdutëve të fatkeqësive