Home Aktualitet Aida Hajnaj merr drejtimin e BKH-së, Ambasada e SHBA: Hap drejt drejtësisë që shqiptarët meritojnë

Aida Hajnaj merr drejtimin e BKH-së, Ambasada e SHBA: Hap drejt drejtësisë që shqiptarët meritojnë

nga Editor

Ditën e sotme Aida Hajnaj ka marrë zyrtarisht detyrën si drejtuesja e parë e Byrosë Kombëtare të Hetimit.

Në një njoftim, ambasada amerikane shprehet se ky është një gur i rëndësishëm kilometrik, jo vetëm për sistemin shqiptar të drejtësisë, por gjithashtu për gratë në role drejtuese.

Më tej, në njoftim theksohet se ambasada përgëzon Shqipërinë për marrjen e një hapi më tej drejt drejtësisë që shqiptarët kërkojnë dhe meritojnë.

Njoftimi i Ambasadës Amerikane në Tiranë:

Sot, zj. Aida Hajnaj, merr detyrën si drejtuesja e parë e Byrosë Kombëtare të Hetimit. Ky është një gur i rëndësishëm kilometrik, jo vetëm për sistemin shqiptar të drejtësisë, por gjithashtu për gratë në role drejtuese.

Në përputhje me kërkesat e ligjit shqiptar, Hajnaj përfundoi një program trajnimi posacërisht të krijuar nga Programi Ndërkombëtar i Ndihmës së Trajnimit të Hetimit Kriminal (ICITAP) në Shqipëri, të fokusuar në procesin përzgjedhës të hetuesve të BKH, në etikën profesionale në BKH, në procedurat e disiplinës në BKH, në përdorimin e forcës dhe armëve të zjarrit nga BKH, rregulloren mbi përdorimin e poligrafit në BKH, në marrëdhëniet e BKH me Policinë e Shtetit dhe mbi rolin vëzhgues të Komisionit Ndërkombëtar të BKH.

Ne përgëzojmë Shqipërinë për marrjen e një hapi më tej drejt drejtësisë që shqiptarët kërkojnë dhe meritojnë.

Lajme te ngjashme