Home Aktualitet Grida Duma publikon pamjet: Rama dhe qeveria e tij kanë braktisur dhe tradhtuar shqiptarët

Grida Duma publikon pamjet: Rama dhe qeveria e tij kanë braktisur dhe tradhtuar shqiptarët

nga Editor

Ish-deputetja e PD-së, Grida Duma shprehet se kryeministri dhe qeveria e tij kanë lënë në mëshirë të fatit qytetarët që ndodhen kufi me Greqinë.

“Sot kryeministri i vendit u përpoq t’i japë orë edukate morale shqiptarëve që vuajnë në lëkurë çfarë do të thotë të jesh pa shtet, pa mbrojtje, të trajtuar si gjedhë sepse më së paku janë braktisur.  Tetë vjet ky njeri që e quan veten kryeministër bën gjueti ku të gjejë fajtorin jashtë, kur nuk e gjen fillon orën e edukatës morale, lëndë që e mëson autodidakt duke bërë prova me durimin e shqiptarëve.  Shqiptarët paguajnë taksë për t’u shërbyer, askund nuk ka lënie në mëshirë të natyrës, as bullgarët as francezët me të cilët guxon t’i krahasojë duke tallur hallin e tyre që po kthehen me shpejtësi në Greqi për të punuar e për të mbajtur edhe familjet në Shqipërinë që e vjel po ky”,- shprehet Duma.

Ish-deputetja shprehet se për çfarë duhet qeveria nëse nuk zgjidhë situata të tilla. “Ky që  e ka lëshuar qeverisjen dhe qeverinë, merr vetëm benefitet e fundit të pushtetit, me PPP, tendera, konçensione dhe privatizim të Shqipërisë!  Katër ditë të lënë në rrugë, as dinë pse të kthehen, as nëse duhet të rrinë, ikin e vijnë në sakrificë, vuajtje dhe pasiguri mijëra e mijëra shqiptarë.  Askund si në Shqipëri papërgjegjshmëria dhe braktisja nuk ndodh si me qeverinë e Ramës, as të ikin nuk munden me dinjitet.

Për çfarë duhet qeveria nëse nuk ka përgjegjësi dhe nuk merr përsipër asnjë zgjidhje në situata të tilla?  Nuk duhet!”,- shkruan Duma në postimin e publikuar në Facebook.

Video e publikuar nga Grida Duma: 

Lajme te ngjashme