Home Aktualitet Albana Vokshi i përgjigjet Ballës: Jemi zonë e kuqe COVID sepse qeveria jote…

Albana Vokshi i përgjigjet Ballës: Jemi zonë e kuqe COVID sepse qeveria jote…

nga Editor

Ish-deputetja e PD-se, Albana Vokshi i është pergjigjur kreut të grupit të PS-së, Taulant Balla, pas reagimit që ai beri lidhur me videot e shpërndara nga demokratja Orjola Pampuri, për situatën e koronavirusit në vend.

Sipas Vokshit, gjuha e Ballë është plot urrejtje përballë të vërtetës, dhe fakteve, që shperndau ish-deputetja Pampuri.

“Është fakt se propaganda shfaq spitale si në Zvicër, ndërsa qytetarët blejnë edhe respiratorë”- thekson Vokshi, duke shtuar se “Shqipëria është sot një zonë e kuqe COVID dhe i izoluar nga Europa, sepse qeveria e Taulant Ballës kishte prioritet vjedhjen me tendera sekretë, jo bërjen e testimeve masive dhe marrjen e masave të tjera për mospërhapjen e virusit”.

Reagimi i Albana Vokshit

Taulant Balla ka shpërndarë sot një fletërrufe të shkruar nga Edi Rama kundër opozitës dhe me gjuhë urrejtje kundër koleges Orjola Pampuri vetëm pse ajo përballi me fakte të vërtetën e dështimit të qeverisë përballë pandemisë.

• Është fakt që Shqipëria është e fundit për numrin e testimeve për 1 milion banorë.
• Është fakt që Shqipëria është ndër 4 vendet e para për vdekjet ditore.
• Është fakt se Shqipëria renditet ndër vendet me numrin më të lartë të përhapjes së rasteve të reja.
• Është fakt se propaganda shfaq spitale si në Zvicër, ndërsa qytetarët blejnë edhe respiratorë.

Edi Rama dhe surrogati i tij Taulant Balla mund të shajnë e mallkojnë gjithë ditën, por nuk e ndalojnë dot opozitën dhe qytetarët të ngrenë zërin kundër braktisjes dhe padrejtësive të qeverisë.

Shqipëria është sot një zonë e kuqe COVID dhe i izoluar nga Europa, sepse qeveria e Taulant Ballës kishte prioritet vjedhjen me tendera sekretë, jo bërjen e testimeve masive dhe marrjen e masave të tjera për mospërhapjen e virusit.

Lajme te ngjashme