Home Aktualitet Situata në Kakavijë, Tavo: Skandaloz dhe i papërgjegjshëm reagimi i dy ministrave të rilindjes

Situata në Kakavijë, Tavo: Skandaloz dhe i papërgjegjshëm reagimi i dy ministrave të rilindjes

nga Editor

Situata me radhët e shqiptarëve në Kakavijë sa vjen dhe rëndohet. Qytetarët që kanë orë që udhëtojnë drejt pikët kufitare deklarojë për mediat se janë lënë më mëshirë të fatit nga qeveria.

Nisur nga kjo situatë, ish-deputeti i Lëvizjes Socialiste për Integrim në Qarkun e Gjirokastrës, Vangjel Tavo e cilëson si skandaloz dhe të papërgjegjshëm reagimin e dy ministrave të rilindjes, të cilët sërish, siç ka bërë qeveria e tyre prej 7 vitesh e drejtojnë gishtin gjithmonë larg vetes, duke fajësuar qytetarët për radhët e gjata në kufi dhe duke u shprehur se po i kërkohet autoriteteve greke gjetjen e mundësive për përshpejtimin e procedurave të testimit ndërkohë që qeveria shqiptare e ka për detyrim por nuk po bën asnjë testim.

“Skandaloz dhe i papërgjegjshëm reagimi i dy ministrave të rilindjes, të cilët sërish, siç ka bërë qeveria e tyre prej 7 vitesh e drejtojnë gishtin gjithmonë larg vetes, duke fajësuar qytetarët për radhët e gjata në kufi dhe duke u shprehur se po i kërkohet autoriteteve greke gjetjen e mundësive për përshpejtimin e procedurave të testimit ndërkohë që qeveria shqiptare e ka për detyrim por nuk po bën asnjë testim.

Kjo qeveri e papërgjegjshme nuk u bën testime as familjarëve të infektuar me COVID-19 dhe pas gjashtë muajsh ka liberalizuar testimet me kosto prej 120-140 eurosh në laboratorë privat.

Ministria e Brendshme u bën thirrje qytetareve që të informohen për gjendjen në pikat kufitare por nuk u sigurojnë testimet e freskëta prej 72 orësh që është edhe kushti për kalimin e kufirit.

Qeveri e papërgjegjshme. Nuk bën asgjë. Nuk i shërben aspak qytetarëve të vet! Nga ana tjetër Ministria e Evropës dhe Punëve të Jashtme lan gojën duke thënë se duhen bërë testime që do të thotë për një familje kostoja shkon mbi 600 euro!

Duhen testime falas e jo me mik e duke i detyruar të paguajnë qindra euro në laboratorët privat. Qeveria duhet të sigurojë testime falas për të gjithë qytetarët. Po i zhvasni shqiptarët edhe në këto kohë të vështira dhe po rrezikoni jetën e qindra qytetarëve”, shprehet Vangjel Tavo.

Lajme te ngjashme