Home Aktualitet Apelohet sekuestrimi, Avokati:Të gjitha pasuritë e Ylli Ndroqit 100% të ligjshme

Apelohet sekuestrimi, Avokati:Të gjitha pasuritë e Ylli Ndroqit 100% të ligjshme

nga Editor

Avokatët e presidentit “Yldon Media Group”, Ylli Ndroqi dorëzuan sot ankimimin kundër vendimit për sekuestrimin e pronave marrë më 1 gusht nga Gjykata kundër Korrupsionit dhe krimit të organizuar. Mes 26 pronave të sekuestruara janë dhe dy televizionet “Ora” dhe “Ora News”. Ankimimit i janë shoqëruar edhe provat të cilat avokatët thonë se vërtetojnë se të gjitha pasuritë janë të ligjshme.

Avokati Alban Qafa “Është absurde të sekuestrohet një media që kapitalin e blerjes së saj e ka të financuar nga banka te dokumentuar nga banka. Te gjithe pasurite jane te ligjshme”. Më herët avokatët e z.Ndroqi kanë ngritur pikëpyetje në lidhje me procesion e sekuestrimit. Avokatët kanë evidentuar parregullsi në procedurat e ndjekura me sekuestrimin e dy televizioneve dhe pronave të tjera.

Ata kanë pohuar se Ylli Ndroqit i janë sekuestruar pasuri të fituara nga trashëgimia, apo me kredi bankare të vërtetuara me dokumentacion të rregullt ligjor. Sipas avokatëve, hetimet nga polica e shtetit, kanë zgjatur rreth 18 muaj nën drejtimin e prokuroreve te SPAK, ndërkohë që trupa e parë prej 8 prokurorësh të SPAK është betuar në datën 19 dhjetor të vitit 2019 para presidentit të republikës. Pra vetëm 8 muaj më parë.

”Këto hetime janë të paligjshme nga policia e shtetit dhe ngre dyshime për shmangien e qëllimshme të prokurorisë. Rezulton se një pjese e pasurive të vena nën sekuestro nuk janë në pronësi të z Ndroqi. Edhe ato që janë në pronësi të tij janë krejtësisht të krijuara me burime të ligjshme”.

Lajme te ngjashme