Babai ka statusin e të akuzuarit nga policia
Read Time:54 Second
Nga Nova Media
Policia Norvegjeze po përpiqet të hedh dritë mbi shkaqet që sollën vdekjen e dy fëmijëve të mitur dhe lënduan rëndë nënën e tyre.
Sipas një raporti paraprak, i dyshuari kryesor për këtë ngjarje tragjike është babai i tyre.
“Ai ka statusin e të akuzuarit dhe aktualisht po merret në pyetje”, – deklaroi avokatja e policisë, Sonika Sharma Sundheim, gjatë një konference shtypi që u organizua mbërmjen e sotme.
“Ai thjeshtë është i dyshuar”, – nëivizoi ajo.
“Babai i dy viktimave mbërriti vetë në vendngjarje dhe policia u kujdes për të”, – tha Sundheim.
Sipas policisë, dëshimtarja e vetme, nëna e tyre u lëndua shumë nga kjo tragjedi dhe është pothuajse e pamundur të merret në pyetje.
“Ajo ka nevojë për përkujdesje shëndetësore”, – nënvizoi Sundheim, ndërsa shtoi se për shkak se hetimet do të vazhdojnë, identiteti i viktimave dhe nënës nuk do të bëhen të ditur për publikun.
Dy fëmijë u gjetën të vdekur në Lørenskog (Oslo), sot në mëngjes.
Pavarësisht përpjekjeve të grupit të emergjencës për t’i sjellë në jetë, fatkeqësisht u konstatua vdekja e tyre në vendngjarje.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
