I ftuar në “360gradë” nga Artur Zheji në TV Ora, juristi Genc Gjokutaj u shpreh se e vërteta në lidhje me situatën pandemisë Covid019 në vend po mbahet e fshehtë.
Gjokutaj: Unë mendoj jo vetëm që e vërteta nuk është thënë, por ëhstë mbajtur e fshehtë, pasi besoj se për të shkuar të e vërteta duhen disa metodika. Po në të gjithë morinë e elementëve dhe analizave që janë bërë deri më sot, e vërteta duhet të testohet, pra e vërteta provohet. si provohet në këtë rast? Në rastin e Shqipërisë, mbahen mend masa shtrënguese që ndërmori kryeministri me karantinën që është një masë që duhet përgëzuar. Por a mjafton një karantinë dhe marrja e lejeve për të dalë për ët blerë ushqime për ta kaluar këtë situatë? Absolutisht jo! Ka mungesë transparencë, qysh te logjistika, kitet dhe kapacitetet mbajtëse të shëndetësisë shqiptare.