Home Aktualitet Hasni probleme me shtyrjen tremujore të kredive? Rama tregon ç’duhet të bëni: Banka e Shqipërisë ka vënë në dispozicion një…

Hasni probleme me shtyrjen tremujore të kredive? Rama tregon ç’duhet të bëni: Banka e Shqipërisë ka vënë në dispozicion një…

nga Editor

Kryeministri Edi Rama nëpërmjet një shënimi në facebook ka njoftuar të gjithë personat që hasin probleme nga bankat për shtyrjen e tremujorit të kredive se tashmë mund të ankohen në kanalin që Banka e Shqipërisë ka hapur posaçërisht për ankesat.

Si fillim Banka e Shqipërisë sqaron se qytetarët duhet të aplikojnë për shtyrje të afatit të kësteve të kredisë duke shpjeguar vështirësitë financiare si pasojë e situatës së krijuar, tek secila nga banka/subjekte ku keni kredinë.

Gjithashtu Banka i kërkon qytetarëve që në ankesat e tyre të specifikojnë konkretisht emrin e bankës/subjektit me të cilin kanë një marrëdhënie kredie.

Postimi i Ramës:

PËR TË GJITHË ATA QË HASIN PROBLEME ME BANKAT PËR SHTYRJEN TREMUJORE TË DETYRIMEVE NGA KREDITË, BANKA E SHQIPËRISË KA VËNË NË DISPOZICION NJË KANAL ANKESASH NË FAQEN E VET:

🟡 Udhëzim i Bankës së Shqipërisë, për qytetarët dhe bizneset për riskedulimin e kësteve të kredisë me subjektet kredimarrëse

Në vijim të njoftimeve të mëparshme, Banka e Shqipërisë rithekson se qytetarët dhe bizneset, gjendja financiare e të cilëve është ndikuar negativisht nga situata e krijuar nga Covid-19 dhe njëkohësisht janë klientë kredimarrës në banka ose subjekte financiare jobanka, kanë mundësi të aplikojnë për procesin e riskedulimit të kësteve të kredisë pranë këtyre subjekteve.

Fillimisht ju nevojitet të aplikoni për shtyrje të afatit të kësteve të kredisë duke shpjeguar vështirësitë financiare si pasojë e situatës së krijuar, tek secila nga banka/subjekte ku keni kredinë.

Për çdo rast, nëse nuk gjeni mirëkuptim me bankat/subjektet ku keni kredinë mund t’i drejtoheni Bankës së Shqipërisë, për të zgjidhur këtë situatë duke na shkruar në adresën e email-it:

🟢public@bankofalbania.org

Lutemi të specifikoni konkretisht emrin e bankës/subjektit me të cilin keni një marrëdhënie kredie, shpjeguar vështirësitë tuaja financiare si pasojë e situatës së krijuar dhe vënë në dispozicion korrespondencën e plotë që keni pasur me bankat/subjektet.

BANKA E SHQIPËRISË

Lajme te ngjashme