Home Aktualitet Dalin shifrat/ 53 % e të prekurve nga COVID-19 në Shqipëri janë meshkuj. Ja shpërndarja gjeografike

Dalin shifrat/ 53 % e të prekurve nga COVID-19 në Shqipëri janë meshkuj. Ja shpërndarja gjeografike

nga Editor

Përqindja më e lartë e të prekurve janë meshkuj, me 53%.”. Kështu deklaroi Rovena Daja, specialiste në Institutin e Shëndetit Publik gjatë përditësimit të informacioneve më të fundit nga Ministria e Shëndetësisë.

Teksa pohoi se numri në total i të prekurve nga virusi vdekjeprurës ka shkuar në 409 persona, Daja theksoi se rreth 47% e të prekurve janë femra.

Në 24 orët e fundit janë testuar 234 persona të dyshuar, prej të cilëve janë konfirmuar 9 raste të reja me COVID-19. Deri në këto momente janë testuar 3223 raste të dyshuara dhe prej tyre janë të konfirmuar pozitivë me COVID-19, 409 raste. Siç shihet edhe grafikisht, përqindja më e lartë e të prekurve janë meshkuj, me 53%.”, tha në deklaratën e saj Daja.

Shpërndarja gjeografike e rasteve pozitive, është si vijon:
– Tiranë 196 raste
– Durrës 38 raste
– Lushnje 5 raste
– Elbasan 15 raste
– Fier 32 raste
– Kavajë 8 raste
– Rrogozhinë 4 raste
– Korçë 17 raste

Vlorë 5 raste
– Shkodër 45 raste
– Lezhë 14 raste
– Berat 2 rast
– Has 12 raste
– Krujë 5 raste
-Tropojë 4 raste
– Pukë 4 raste
– Mirditë 3 raste

Lajme te ngjashme