Home Aktualitet Dita Ndërkombëtare e Romëve, Presidenti Meta uron komunitetin në gjuhën e veçantë: Bahtalo tumaro dive 8 april

Dita Ndërkombëtare e Romëve, Presidenti Meta uron komunitetin në gjuhën e veçantë: Bahtalo tumaro dive 8 april

nga Editor

Ne ditën Ndërkombëtare të Romëve, Presidenti i Republikes, Ilir Meta ka zgjedhur te uroje ndryshe.

Nepermjet nje statusi ne Facebook, Meta i ka uruar diten ketij komuniteti ne gjuhen e tyre te vecante.

Nder te tjera Meta thekson edhe objektivat qe vendi yne ka per gjitheperfsirjen e plote te tyre ne jeten sociale te vendit.

Postimi i plote:

BAHTALO TUMARO DIVE 8 APRIL!

Gëzuar Ditën Ndërkombëtare të Romëve, këtij komuniteti të dashur, që sot kremton për traditat e pasura kulturore, trashëgiminë e larmishme, historinë e veçantë dhe gjuhën aq melodioze.
Shoqëria jonë ndonëse ndihet krenare për promovimin e tolerancës, gjithëpërfshirjes, diversitetit dhe respektit ndaj komuniteteve dhe minoriteteve, ende përballet me sfidën dhe nevojën e domosdoshme për mirëintegrimin dhe përshirjen sociale të romëve, të cilët për fat të keq në shumë raste ende diskriminohen, u mungojnë kushtet miniminale të jetesës, punësimi, kujdesi arsimor e shëndetësor.
Arsimimi i fëmijëve Rom është një element thelbësor për të bërë të mundur përfshirjen e tyre sociale dhe përparimin në jetë.
Veçanërisht në këto momente të vështira për shkak të pandemisë COVID-19, një vëmendje e posaçme duhet treguar edhe ndaj këtij komuniteti, për shkak edhe të kushteve tepër të vështira, në të cilat ndodhen shumë përfaqësues të saj.

Fotografia e Ilir Meta

Lajme te ngjashme