BRITANI E MADHE
“Boris Johnson nuk ka nevojë për një ventilator që të marrë frymë, por merr oksigjen. Kështu ka thënë Michael Gove, ministër i zyrës së qeverisë.
“Kryeministri britanik ndiqet nga afër, është në terapi intensive dhe ndiqet nga ekipi i tij mjekësor. Boris po merr të gjithë kujdesin e mundshëm nga stafi i spitalit St Thomas. Shpresat dhe lutjet tona janë me të dhe me familjen e tij”- ka thene Gove për BBC.
Të gjithë shpresojmë që të shërohet sa më shpejt të jetë e mundur dhe kjo është gjithçka për të cilën po mendojmë tani”- vijoi më tej. Ai tha se kryeministri nuk ka shënja pneumonie dhe që të jetë përkeqësuar, ai është në gjendje të mirë dhe plot jetë.
Mbremjen e djeshme Boris Johnson u transferua në pavionin e reanimacionit në Spitalin St Thomas pas këshillës së mjekëve të tij, tha qeveria në Londër. Ishte një masë paraprake, për rastin nëse kryeministri Britanik do të kishte nevojë për frymëmarrje artificiale.