Lubonja i përgjigjet Ramës: Vazhdon të marrësh vendime në kurriz të shqiptarëve…

Read Time:1 Minute, 21 Second

Analisti i njohur Fatos Lubonja i kthen përgjigje kryeministrit Edi Rama, i cili dje i ftuar në “Zonë e Lirë”, teksa u pyet për ecurinë e Koronavirusit në vend, u shpreh se, kjo është një gjë që i takon specialistëve dhe se ai nuk do të flasë për gjithçka siç bën Lubonja.

Përmes një reagimi në Facebook, analisti i kujton Ramës deklaratën e tij në “Opinion”, më 12 mars, ku teksa merrte rolin e epidemiologut shprehej se karantina nuk e pengon përhapjen e virusit.

Reagimi i plotë i Fatos Lubonjës:

Edi Rama, i pyetur nga Arjan Cani mbi ecurinë e coronavirusit në javën e ardhshme u pergjegj se nuk mund të jepte përgjigje, se këtë e dinë specialistët, e se s’donte të bënte si Fatos Lubonja që flet për gjithshka.

I përgjigjem Edi Ramës se sa herë kam folur për koronavirusit i jam referuar specialistëve të ndryshëm, (duke venë në dukje madje edhe kontradiktat midis tyre) e nuk kam bërë si ai që në 12 mars ka bërë epidemiologun dhe virologun duke deklaruar se karantina nuk e pengon përhapjen e virusit.

Do të ishte mirë që kjo përgjigje të ishte shenjë se vërtet Kryeministri ynë ka reflektuar për atë se duhen dëgjuar edhe specialistët për vendimet që merr, por kam frikë se kjo ishte thjesht një batutë për të denigruar një gazetar, e se ai do vazhdojë të marrë vendime në emër interesash të tjera nga ai i qytetarëve (jo vetëm përsa i përket krizës dramatike të koronavirusit) duke shpërfillur sa interesat e qytetarëve edhe opinionet e mediave apo specialistëve që flasin në emër të interesave të tyre.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post “Respekte general”, Erisa Xhixho kujton 100-vjetorin e lindjes së gjyshit: Përulem me respekt përpara veprës tënde
Next post Skandal/ Me pacientë të intubuar, Infektivi qëndron 3 orë pa drita….