Home Aktualitet Kryeministri britanik me ethe, nuk e lejojnë të dalë nga izolimi. Ja mesazhi i tij

Kryeministri britanik me ethe, nuk e lejojnë të dalë nga izolimi. Ja mesazhi i tij

nga Editor

Kryeministri britanik Boris Johnson ka ende ethe dhe po vazhdon të jetë në izolim në Downing Street, pasi u testua pozitivisht për koronavirus.

Izolimi i tij po zgjat përtej ditëve të parashikuara nga udhëzimet e autoriteteve shëndetësore britanike në rast se je prekur nga ky infeksion.

Lajmin e konfirmon vetë Johnson në një video në rrjetet sociale.

“Megjithëse ndihem më mirë, dhe kam kaluar shtatë ditët e mia në izolim, unë ende kam një nga simptomat (të koronavirusit), një simptomë të butë, unë ende kam ethe”, shpjegon kryeministri britanik në video.

“Kështu – vazhdon ai – në përputhje me indikacionet e qeverisë unë duhet të vazhdoj të qëndroj në izolim, derisa të kalojë edhe kjo simptomë”.

“Sidoqoftë, ne vazhdimisht punojmë gjatë gjithë kohës për të mposhtur virusin,” thekson Johnson, duke përsëritur se “ne jemi në gjendje ta udhëheqim qeverinë nga distanca”.

Lajme te ngjashme