Autostrada “pushtohet” nga letrat higjienike/ Shoferin e zë gjumi në timon dhe humb kontrollin e kamionit

Read Time:59 Second

Një ngjarje i pazakontë ka ndodhur në SHBA, ku një kamion i madh, që mbante mijëra rrotulla letrash higjienike, është përfshirë në një aksident automobilistik.

Sipas mediave të huaja, shoferi u përgjum për një moment dhe humbi kontrollin e kamionit me 18 rrota.

Aksidenti ndodhi në perëndim të Interstate 20, në Hutchins, Dallas County, Texas, rreth orës 4.45 të mëngjesit të së mërkurës.

Siç shihet dhe në pamjet e publikuara në media, rrotullat e letrave higjenike u shpërndanë përgjatë autostradës, ndërsa mjeti u përfshi nga flakët.

Fatmirësisht shoferi i kamionit dhe qeni i tij i quajtur Moochie shpëtuan nga aksidenti të palënduar.

Letrat higjienike janë shndërruar në një “mall të çmuar” gjatë pandemisë Covid-19, e cila ka shkaktuar blerje masive të tyre nëpër dyqane e supermarkete.

Shoferi, i cili nuk është identifikuar, po udhëtonte drejt San Antonios, nga Alabama.

I lodhur nga rruga, shoferi u përgjum për një moment, por ky çast mund të kishte rezultuar fatal për të, pasi kamioni të cilin drejtonte përfundoi i kthyer anash dhe mori flakë.

Pas incidentit, kamioni pësoi dëme të shumta materiale, ndërsa autostrada u bllokua për disa minuta, derisa ekuipazhi i urgjencës pastroi mbetjet në asfalt.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post “Kemi menduar se vendin e bënin të pasurit, por jo, atë po e bëjnë njerëzit e zakonshëm”, Braçe feston ditëlindjen dhe reflekton thellë: Ka ardhur koha e ndryshimit!
Next post Largimet e padrejta nga administrata, del raporti: Ja sa milionë euro ka paguar buxheti i shtetit