‘Masat e emergjencës kërcënojë demokracinë’/ BBC: Jo vetëm Hungaria, por edhe Shqipëria e Serbia në rrezik

Read Time:1 Minute, 39 Second

Nga Guy De Launey, BBC

Masat e emergjencës kanë bërë që të bien këmbanat e alarmit në vendet ku njerëzit mund ta kujtojnë autoritarizmin shumë mirë.Serbia ka rrëshqitur në Indeksin e Lirisë së Medias në vitet e fundit- dhe organizatat e gazetarëve kanë paralajmëruar se kriza aktuale po i bën gjërat më keq.

Qeveria vendosi se vetëm shtabi i saj i krizës, i drejtuar nga kryeministrja Ana Brnabiç, duhet të bëjë lajmërime për koronavirusin- duke paralajmëruar për pasoja ligjore nëse nuk ndodh kjo.

Një organizatë e gazetarëve tha se kjo ishte e barabartë me censurën- dhe mund të çonte në burg njerëzit për raportime të pavarura. Dhe në të vërtetë, menjëherë pas kësaj, policia arrestoi një gazetare që raportoi për kushtet spitalore në veri të Serbisë.

Zonja Brnabiç tani ka premtuar se do të tërheqë vendimin dhe ka kërkuar falje për atë që ajo e quajti ‘marrëzi’.

Qeveria e Sllovenisë e gjeti veten po ashtu duke bërë hapa pas. Qeveria e zgjedhur së fundmi e kryeministrit të djathtë, Janez Jansa dëshironte që t’i jepte autorizm policisë për të gjurmuar telefonatat, për të përdorur njohjen e fytyrës dhe për të hyrë në banesa. Por ai u detyra të tërhiqet nga këto plane pasi Komisioneri i Informacionit paralajmëroi se Sllovenia do bëhet një shtet policor nëse ky plan shkon përpara.

Por Shqipëria ka marrë disa nga masat e emergjencës më të rrepta në Europë. Ato përfshijnë një shtetrrethim 16-orësh gjatë ditëve të javës- dhe një mbyllje prej 40 orësh gjatë fundjavave.

Kufizimet duhet të hiqeshin nesër. Por qeveria ka njoftuar se ato do të mbeten në fuqi derisa të përfundojë kriza e koronavirusit.

………………….

Një grup prej 13 vendesh anëtare të BE kanë shprehur shqetësim të thellë se përdorimi i masave të emergjencës në këto kohë krizë mund të kërcënojë demokracinë dhe të drejtat themelore. Vendet anëtare janë Belgjika, Danimarka, Finlanda, Franca, Gjermania, Greqia, Irlanda, Italia, Luksemburgu, Holanda, Portugalia, Spanja dhe Suedia. Shqetësimi i tyre kryesor janë zhvillimet në Hungari. 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post A do të preket ekonomia shqiptare nga koronavirusit? Guvernatori Sejko: Do të ketë krizë dhe goditje negative
Next post Edi Rama: Mediat të marrin kredi, shkurtimi i emisioneve komerciale nuk është problem i qeverisë