Pas lëkundjeve të tërmetit, vendi është përfshirë nga reshjet e shiut, të cilat kanë sjellë dhe problemet e para. Ka mjaftuar vetëm pak minuta reshje shiu që disa zona në Lezhë të nisin përmbytjet. Mësohet se përmbytjet janë shkaktuar pasi në këtë qytet ka probleme me kanalizimet kulluese. Ndërkohë, raportohet se dhjetëra automjete janë izoluar nga uji, ndërsa është përmbytur edhe kopshti Besëlidhja i cili u inagurua ditën e sotme.
