Home Aktualitet “Kjo është shumë e rrezikshme!”, Basha nxjerr foton me dyndjen e qytetarëve në tregje. Ja apeli që bën

“Kjo është shumë e rrezikshme!”, Basha nxjerr foton me dyndjen e qytetarëve në tregje. Ja apeli që bën

nga Editor

Pas dyndjes se papare te qytetareve sot neper rruge e tregje per te bere furnizimin para izolimit deri diten e hene, ka reaguar me nje mesazh te forte kryedemokrati Lulzim Basha.

Teksa ka postuar nje foto nga ajo qe ka ndodhur sot vetem ne ne nga tregjet ne vend, ku duken njerezit koke me koke, e pa asnje respektim distance, Basha thekson se kjo eshte shume e rrezikshme.

Sipas tij, “duhet nje analize objektive se si mund të organizohet dhe zbatohet izolimi dhe distancimi sa më i disiplinuar dhe nga ana tjetër njerëzit të mund të marrin shërbimet jetike POR duke shmangur çdo dalje të panevojshme, radhët e gjata dhe grumbullimet masive”.

Mesazhi i Bashës

Kjo nuk është aspak mirë! Kjo është shumë e rrezikshme!

Natyrisht që njerëzit duhet të blejnë gjërat e domosdoshme, duhet të marrin shërbimet esenciale, ju duhet të kryejnë disa pagesa, por grumbullime si këto janë të rrezikshme. Kjo është mënyrë e sigurtë për të përhapur virusin. Të tilla grumbullime zhvlerësojnë çdo sakrificë të bërë deri tani.

Ndaj duhet një analizë objektive, bazuar mbi praktikat më efektive deri tani: Si mund të organizohet dhe zbatohet izolimi dhe distancimi sa më i disiplinuar dhe nga ana tjetër njerëzit të mund të marrin shërbimet jetike POR duke shmangur çdo dalje të panevojshme, radhët e gjata dhe grumbullimet masive.

Asgjë nuk është e lehtë. Por gjithçka duhet bërë që të shmangim dhe ngadalësojmë sa mundemi përhapjen e COVID 19.

Të dashur qytetarë! Qëndroni në shtëpi! Duke respektuar distancimin social, izolojmë virusin. Kështu i japim shans vetes dhe të afërmve tanë ta kalojmë me sa më pak pasoja këtë gjendje dhe t’i rikthehemi sa më parë normalitetit!

Lajme te ngjashme

error: Alert: Content is protected !!