Home Aktualitet “Nga nesër nuk do përdorni makinë”, urdhër i ri për këta punonjës të administratës. Rama i paralajmëron: Iu mbahet rroga 3 muaj nëse e shkelni

“Nga nesër nuk do përdorni makinë”, urdhër i ri për këta punonjës të administratës. Rama i paralajmëron: Iu mbahet rroga 3 muaj nëse e shkelni

nga Editor

Punonjësve të administratës do u mbahet rroga për 3 muaj nëse shkelin urdhrin e ri të qeverisë për të mos shkuar nga nesër në punë me makinë. Përjashtim do të bëjnë ata nëpunës që janë në listën prioritare për zhvillimin e luftës, sic e quan kryeministri Edi Rama.

Në një postim në rrjetet sociale ai ka lajmëruar se masat e reja do të përfshihen në aktin normativ dhe do të ketë ndëshkim për ata që i shkelin, madje administrata rrezikon edhe largimin nga puna në rast përsëritje.

Postimi i plotë:

🔴 NGA NESËR, TË GJITHË PUNONJËSIT E MINISTRIVE, BASHKIVE E PREFEKTURAVE, NGA SEKRETARËT E PËRGJITHSHËM DHE DERI TEK I FUNDIT, NUK DO TË PËRDORIN MË MAKINË PËR TË SHKUAR NË ZYRË!

NGA KY RREGULL PËRJASHTOHEN VETËM PUNONJËSIT E MINISTRISË SË SHËNDETËSISË, MINISTRISË SË MBROJTJES, MINISTRISË SË FINANCAVE APO TË PREFEKTURA E BASHKIVE, QË JANË TË PËRFSHIRË NË LISTËN PRIORITARE ME FIRMËN E TITULLARIT, PËR TË GARANTUAR ZHVILLIMIN E LUFTËS SIPAS PLANIT, NË ASPEKTIN SHËNDETËSOR DHE HUMANITAR!

🔴 NGA NESËR, TË GJITHË PUNONJËSIT E INSTITUCIONEVE TË VARËSISË SË ADMINISTRATËS QËNDRORE APO VENDORE, QË E KANË PUNËN NË ZYRË, NUK DO TË PËRDORIN MAKINË PËR TË SHKUAR NË PUNË.

TITULLARËT E TË GJITHA INSTITUCIONEVE TË VARËSISË, DUHET TË ÇOJNË SOT TEK MINISTRI APO KRYETARI I BASHKISË, LISTËN E ARSYETUAR TË PUNONJËSVE QË E KANË TË DOMOSDOSHME LËVIZJEN ME MAKINË. EMËR PËR EMËR!

TË GJITHA LISTAT DUHET T’I VIHEN NË DISPOZICION JO MË VONË SE ORA 23.00 POLICISË SË SHTETIT.

🔴 SHKELJA E KËTYRE MASAVE, TË CILAT DO TË PËRFSHIHEN NESËR, SË BASHKU ME MASAT E REJA PËR LËVIZJEN E KËMBËSORËVE NË AKTIN NORMATIV, DO TË NDËSHKOHET ME MBAJTJEN E RROGËS PËR 3 (TRE) MUAJ DHE NË RAST PËRSËRITJE ME LARGIMIN PËRFUNDIMTAR NGA PUNA!

SOT PUNONJËSI I SHTETIT QË SHKEL RREGULLAT E LUFTËS NË MËNYRË TË PËRSËRITUR, NUK ËSHTË NJË KUNDRAVAJTËS SI TË TJERËT, PO NJË DEZERTOR NË KUPTIMIN E PLOTË TË FJALËS!

🔴 NGA NESËR, KËMBËSORËVE QË DO TË SHKELIN MASAT E REJA TË LËVIZJES DHE QË FIGUROJNË NË BORDEROTË E REPUBLIKËS SË REPUBLIKËS SË SHQIPËRISË, SI PUNONJËS TË ADMINISTRATËS QENDRORE APO VENDORE, DO T’U MBAHET RROGA PËR 3 (TRE) MUAJ DHE NË RAST PËRSËRITJEJE DO TË LARGOHEN PËRFUNDIMISHT NGA RADHËT!

POPULLI NUK I PAGUAN TAKSAT PËR T’U DHËNË RROGA ATYRE QË RREZIKOJNË JETËN E TIJ NË KËTË LUFTË KU PUNONJËSIT E SHTETIT DUHET TË JENË SHEMBULLI MË KUPTIMPLOTË I DISIPLINËS SHTETËRORE DHE PËRGJEGJSHMËRISË QYTETARE!

🔴 KJO LUFTË NUK ËSHTË LOJË! PËRBALLË ARMIKUT QË NA KA SULMUAR JEMI NJË VEND, NJË POPULL DHE NJË SHTET! VETËM KËSHTU MUND T’IA DALIM DHE ASKËND QË S’DO TË KUPTOJË NUK MUND TA TOLEROJMË MË!

Lajme te ngjashme

error: Alert: Content is protected !!