Home Aktualitet Gjithë familja me koronavirus, flet pacienti i shtruar: Babai erdhi nga Italia e nuk ndihej mirë, pastaj…

Gjithë familja me koronavirus, flet pacienti i shtruar: Babai erdhi nga Italia e nuk ndihej mirë, pastaj…

nga Editor

Një pacient i infektuar me koronavirus ka folur për mediat e Kosoves duke treguar se si kishte arritur ta kuptonte se ishte infektuar ai dhe familjarët e tij.

Ai në një bisedë për RTV Dukagjini ka theksuar se gjendet i shtruar në Klinikën Infektive të QKUK-së.

Ne jemi tre familjarë dhe po na thonë që të tre jemi të infektuar me koronavirus”, ka theksuar ai.

Ai ka theksuar se gjendja e tij dhe e bashkëshortes është e mirë. Gjendjen pak më të dobët e ka babai i tij.

“Baba me thanë e ka gjendjen pak më dobët, por edhe ai është mirë. Nuk kanë lënë me e pa. Unë jam me bashkëshorten me një dhomë te dy e jemi mirë. Me familjarët komunikojmë”, tha ai.

Sipas tij, familjen e tyre në Viti po e ndihmojnë të gjithë.

Ai tha se as ai as bashkëshortja nuk kanë asnjë simptomë dhe se janë mirë.

Ai ka treguar se babi i tij ishte sëmurë, kishte simptoma dhe e kishte dërguar fillimisht në Viti, pastaj në Gjilan dhe pastaj në Prishtinë.

Babi i tij kishte ardhur nga Italia. “Baba tha se nuk po e ndjente veten mirë, dhe e dërguam te mjeku dhe ndodhi kjo që ndodhi”, tha ai.

“Fillimisht bashkëshortja kishte qëndruar me babain, sepse unë kisha shkuar të pushoj. Kur u ktheva më thanë që duhet të shtrohem edhe unë në spital, dhe pastaj rezultuam që ishim të infketuar”, tha ai.

Lajme te ngjashme

error: Alert: Content is protected !!