Home Kronike “Të është prishur mikrofoni”/ Klodiana Lala ‘përplaset’ me avokatin e Begos: “Anti-KÇK-ja”, ligj skandaloz, Lul Berisha kreu i bandës

“Të është prishur mikrofoni”/ Klodiana Lala ‘përplaset’ me avokatin e Begos: “Anti-KÇK-ja”, ligj skandaloz, Lul Berisha kreu i bandës

nga Albina Hoxhaj

Gazetarja Klodiana Lala e ka quajtur paketën “Anti-KÇK” si një ligj skandaloz, që sipas saj, zbeh në mënyrë drastike rolin e prokurorëve, dhe sidomos atyre të SPAK.

Teksa ishte e ftuar në emisionin “Real Story”, në Neës24, gazetarja Lala debatoi me avokatin e biznesmenit Edmond Bego, teksa u ndal te rasti i Lulzim Berishës.

Klodiana Lala: Është ligj skandaloz, që zbeh në mënyrë drastike rolin e prokurorëve, sidomos atyre të SPAK. Gjithashtu krijon problematika në mënyrën si qaset Policia e Shtetit. Është emergjente nevoja për goditjen e krimit. Kjo strukturë, në thelb, i merr kompetencat SPAK. Edhe vetë Policia e Shtetit nuk e ka të qartë se çfarë po bën. Më bëri përshtypje ajo policja me syze të zeza, që fliste për Gjykatën Speciale, e cila nuk ekziston. Kjo është një strukturë totalisht në varësi të ekzekutivit dhe që në nisje nis mbrapsht. Lulzim Berisha është cilësuar fajtor me vendim të formës së prerë dhe sot me të drejtë mund t’i themi që është kreu i një bande kriminale.

Avokati Leka: Ka dalë nga burgu ai tani, nuk është më kryetar bande. Ka mbaruar dënimin.  

Klodiana Lala: Unë nuk pashë në asnjë rresht të policisë që Lulzim Berishës t’i jetë bllokuar pasuria. Ku po shkon me këtë? Po intimidon gjyqtarë e prokurorë. Me këtë mekanizëm, qeveria kërkon t’i kontrollojë, t’i vërë nën presion. Ndërkohë që prokurori i SPAK do duhet të hetonte krimin e organizuar, pasuritë e tyre, do duhet të merret me një akt normativ.

Leka: Ti duhet të na lësh radhë të flasim.

Klodiana Lala: Patjetër, por të ishte prishur mikrofoni./bw/

Lajme te ngjashme

error: Alert: Content is protected !!