Home Politike Bardhi takim me banorët në Berat: Qytetarët kanë nevojë për qeverisje të ndershme

Bardhi takim me banorët në Berat: Qytetarët kanë nevojë për qeverisje të ndershme

nga Albina Hoxhaj

“Berati një nga 5 qarqet me numrin më të madh të papunëve”. Sekretari i Përgjithshëm i PD, Gazment Bardhi takim me strukturat: Reforma territoriale një dështim, realiteti ndryshohet duke ndryshuar qeverinë.

Sekretari i PD Gazmend Bardhi me anë të një statusi në “Facebook” shkruan se ka zhvilluar një takim me qytetarët në Berat.

Në takimin me demokratët e Beratit mësova se Berati është një nga 5 qarqet me papunësinë më të lartë në vend. Të rinjtë janë më të prekurit e kësaj gjendjeje të mjerueshme që duhet të ndryshojë duke ndalur largimin e tyre nga vendi.

Mungesa e investimeve nga ana e qeverisë, sjellja skandaloze gjobëvënese me biznesin, braktisja e banorëve të ish komunave janë disa nga arsyet e rrënimit të Beratit, Urës Vajgurore, Poliçanit, Skraparit dhe Kuçovës.

Pothuajse në çdo takim, nga veriu në jugun e Shqipërisë, dështimi i reformës territoriale është një nga shqetësimet kryesore që ndaj me demokratët. Ata sjellin e zërin e banorëve, të cilët kërkojnë të kenë më pranë qendrën administrative, si dhe të kenë dikë me pushtet të plotë për të zgjidhur problemet e tyre.

Për të ndryshuar për mirë jetën në Berat, Urë Vajgurore, Poliçan, Skrapar dhe Kuçovë duhet të ndryshojmë qeverinë! Të sigurojmë kushte për zgjedhje të lira e të ndershme në të njëjtën ditë me zgjedhjet lokale për të zgjedhur dinjitozë, që nuk mbushin hundët dhe trurin me kokainë, nuk vjedhin, nuk shpërdorojnë, por u shërbejnë qytetarëve.

Lajme te ngjashme

error: Alert: Content is protected !!