Dënohet me burg aktorja e serialit “Shtëpiake të dëshpëruara”

Pak kohë më parë u publikua në mediat e huaja skandali me dhënien e shumave të mëdha të parave për pranimin në universitete prestigjioze dhe gjithashtu në përmirësimin e notave për nxënësit. E përfshirë në këtë skandal ka qenë edhe aktorja e njohur e serialit “Shtëpiake të dëshpëruara”, Felicity Huffman. Gjykata e dha vendimin për të, duke e dënuar me 14 ditë burg për shkak të përfshirjes së drejtpërdrejtë duke paguar 15 mijë dollarë në 2017 në mënyrë që përgjigjet e provimit të vajzës së saj të korrigjoheshin. Gjithashtu Huffman do të bëjë rreth 250 orë shërbim komunitar dhe do të paguajë një gjobë prej 30 mijë dollarësh. Në këtë çështje gjyqësore janë përfshirë rreth 50 persona ndër ta prindër dhe trajnerë atletike, por asnjë fëmijë nuk ka qenë pjesë e çështje gjyqësore. “Nuk ka asnjë justifikim për veprimet e mija. Dua t’i kërkoj ndjesë sërish vajzës sime, bashkëshortit, familjes dhe komunitetit edukues për veprimet që kam bërë. Veçanërisht dua t’i kërkoj falje studentëve që punojnë shumë për t’u pranuar në kolegje”, -tha aktorja, e cila ka pranuar fajin për të gjithë veprimet e paligjshme që ka bërë.