Home Aktualitet Moti i keq/ Greqia ndalon kalimin e mjeteve të tonazhit të rëndë nga Kapshtica për dy ditët në vijim

Moti i keq/ Greqia ndalon kalimin e mjeteve të tonazhit të rëndë nga Kapshtica për dy ditët në vijim

nga Albina Hoxhaj

Drejtuesit e mjeteve të tonazhit të rëndë, që kanë planifikuar lëvizjen për në shtetin grek nëpërmjet pikës kufitare të Kapshticës, duhet ta shmangin ose të përdorin pikat e tjera të kalimit kufitar me Greqinë.

Drejtoria Vendore e Kufirit dhe Migracionit Korçë, njofton se pala greke në këtë pikë kufitare do të ndalojë kalimin e mjeteve të tonazhit të rëndë për shkak të prezencës së akullit në rrugë.

“Në pikën e kalimit kufitar Kapshticë, në datën 05.01.2020, nga ora 06:00 deri në orën 23:59 të datës 06.01.2020 nuk do të lejohet kalimi i mjeteve të tonazhit të rëndë (kamionë) në drejtim të Greqisë, për të shmangur problemet dhe vështirësitë në qarkullim, si pasojë e prezencës të akullit në rrugë. Do të lejohet kalimi i autoveturave dhe autobusëve të cilët duhet të jenë të pajisur me zinxhirë”, thuhet në një njoftim zyrtar të Drejtorisë vendore të Kufirit dhe Migracionit, Korçë.

Policia Kufitare, apelon drejtuesit e mjeteve të tonazhit të rëndë, që kanë planifikuar lëvizjen për në shtetin grek nëpërmjet pikës kufitare Kapshticë, ta shmangin ose të përdorin pikat e tjera të kalimit kufitar me Greqinë, deri në normalizimin e situatës.  

Lajme te ngjashme

error: Alert: Content is protected !!