Drejtori i Spitalit të Laçit përdor karburantin e institucionit për mjetin e tij (FOTO)

Read Time:1 Minute, 46 Second

Një denoncim i mbërritur në redaksinë e “Boldnews.al” dëshmon për një situatë sa abuzive, aq edhe qesharake, ku në qendër të saj është drejtori i Spitalit të Laçit, Venedik Qallo.

Spitali i Laçit ka pezulluar aktivitetin e tij, pas tërmetit të 26 Nëntorit. Por, kjo situatë nuk e ka penguar drejtorin Qallo që karburantin, e destinuar për gjeneratorin e institucionit, ta shfrytëzojë për automjetin e tij privat.

Denoncimi, i shoqëruar me dokumentacionin përkatës, duket se është një nga ato rastet tipike, kur drejtorët e “Rilindjes” sillen si anëtarë të grupimit “Kap Çfarë të Kapësh”, shprehje të cilën kryeministri e ka shumë për zemër.

E, duke mbetur tek shefi i Qeverisë, denoncuesi deklaron se, për këtë rast skandaloz, ka informuar edhe Edi Ramën, por prej tij nuk ka marrë asnjë përgjigje.

Në 7 Dhjetor 2019, kompania e karburanit i dërgon njoftim Spitalit të Laçit për shpenzimin e kryer me kartën e kreditit të institucionit, për blerje karburanit, në sasinë 25 litra, me vlerë rreth 4500 lekë të reja.

Ky shpenzim, si rregull, kryhet për blerjen e naftës për gjeneratorin e Spitalit. Por, duke qenë se institucioni shëndetësor nuk po kryen aktivitet në godinën e tij, si pasojë e dëmtimeve të tërmetit të 26 Nëntorit, rrjedhimisht, as gjeneratori i tij nuk mund të jetë në punë.  

Nën këtë pikëpyetje, denoncuesi ka dërguar pranë redaksisë së “Boldnews.al” disa të dhëna të tjera, përfshirë edhe foto, ku forcohen dyshimet se karburanti i blerë për Spitalin, në fakt ka përfunduar në serbatorin e automjetit privat të drejtorit.

Foto të drejtorit të spitalit duke marrë karburant1 / 2

Foto teksa makina e drejtorit Qallo furnizohet me karburant.

Denoncuesi i mbështet të dhënat e tij në disa fakte të thjeshta- spitali i Laçit është informuar nga kompania e karburantit se, nga karta e kreditit të institucionit, është realizuar një blerje prej 25 litra naftë, në datë 7 Dhjetor 2019, ora 9.33.

Në të njëjtin moment, pra, në të njëjtën orë dhe në të njëjtën datë, sipas kamerave të sigurisë së pikës së karburanit, aty është furnizuar automjeti privat i drejtorit të Spitalit të Laçit, Venedik Qallo.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Milot-Balldre, projekti vazhdon, dorëzohet raporti teknik
Next post Dimri i acartë/ Temperaturat pritet të shkojnë deri në -8 gradë, ditët e fundit të dhjetorit shumë të ftohta