KED i dërgon Kuvendit listën e kandidatëve për Inspektor i Lartë i Drejtësisë
Read Time:1 Minute, 17 Second
Këshilli i Emërimeve në Drejtësi (KED) në mbledhjen e sotme i ka dërguar Kuvendit listën e kandidatëve për Inspektoratin e Lartë të Drejtësisë (ILD). Në një njoftim për mediat bëhet me dije se KED ka dërguar listën përfundimtare të renditjes së kandidatëve të lejuar për Inspektor i Lartë i Drejtësisë, por pa bërë detaje se cilët janë emrat që do votohen nga deputetët. Po ashtu bëhet me dije se është dërguar dhe raportin e arsyetuar për renditjen e kandidatëve të lejuar për Inspektor i Lartë i Drejtësisë, por sërish për publikun nuk janë bërë të ditura detajet.
NJOFTIM PËR MEDIAN
Këshilli i Emërimeve në Drejtësi (KED), në datën 26.12.2019, në zbatim të pikës 4 të nenit 147/d dhe pikës 1 të nenit 149/d të Kushtetutës, të pikës 2 të nenit 199, shkronjës “ë” të pikës 2 të nenit 201, nenit 217, të pikës 5 të nenit 229dhe nenit 239 të ligjit nr. 115/2016“Për organet e qeverisjes së sistemit të drejtësisë” , i ka përcjellë Kuvendit të Republikës së Shqipërisë për të ushtruar kompetencën e zgjedhjes së Inspektorit të Lartë të Drejtësisë brenda 30 ditëve nga dorëzimi i akteve:
– Listën Përfundimtare të Renditjes së Kandidatëve të Lejuar për Inspektor i Lartë i Drejtësisë,
– Raportin e Arsyetuar për Renditjen e Kandidatëve të Lejuar për Inspektor i Lartë i Drejtësisë,
– si edhe aktet përkatëse të Këshillit të Emërimeve në Drejtësi gjatë procedurës së verifikimit, vlerësimit, pikëzimit dhe renditjes së kandidatëve të lejuar për vendin vakant të Inspektorit të Lartë të Drejtësisë.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
