Home Aktualitet 2 fëmijë janë flakur nga prindërit dhe shteti: Ne fshatin Luz

2 fëmijë janë flakur nga prindërit dhe shteti: Ne fshatin Luz

nga Arian

12:06, 13/09/2019

Në Luz të Rrogozhinës jetojnë dy minorenë të cilët kanë një fat tragjik. Nëna e tyre i braktisi që kur ishin foshnje kurse babai i tyre i dhunonte dhe aktualisht ndodhet në burg.

Frika i mbërthen sapo bie nata. Kasollja e tyre është e rrënuar dhe herë pas here flenë në tarracë. Janë vetëm këtu në Luz të Rrogozhinës.

Lorenci 16 vjeç dhe Frederiku 13 vjeç të hënën nuk do të shkojnë në shkollë, por në sallën e gjyqit. Do të dëshmojnë kundër babait të tyre, i cili i dhunonte. Xhevdet Lecini është në pranga pas denoncimit të bërë nga djemtë e tij. Kurse nëna i ka braktisur kur ishin foshnje.

“Mamanë nuk e njoh sepse ka ikur, ndërsa babai është në burg se na rreh”.

“Babi është në shoqërim në Kavajë. Babi na ka pas dhunuar, shumë këtë të voglin dhe unë e denoncova”.

Vëllai më i madh mundohet të kujdeset për të voglin. E dinë se skanë më askënd pranë vetes. U kujtohet se pasi u stërmunduan nëpër dyert e policisë së tre bashkive, policët i zbriten nga makina. Tani shkoni vetëm në shtëpi, jeni të rritur u thanë.

“Na çuan në Durrës, Kavajë, na çuan në Rrogozhinë dhe na lanë tek rruga kryesore dhe na thanë shkoni në shtëpi tani. U thashë na çoni deri në shtëpi se është larg. Ecni se jeni çuna të rinj thanë”.

Banoret e lagjes po tentojnë të sensibilizojnë opinionin. Fëmijët nuk kanë para për të blerë librat e shkollës, as për ushqime apo veshmbathje.

“Këta janë në mëshirë të fatit. Është arrestuar i ati dhe nuk kanë as psikolog, as mbështetjen nga askush”.

Me të vegjlit nuk dihen çfarë do të bëjnë. E sigurtë është që pranë tyre pas kësaj dite, vështirë të gjendet ndonjë humanist që do t’i shpëtojë nga vetmia dhe varfëria.

Lajme te ngjashme