SHBA mbështet financiarisht reformën e burgjeve, ambasada jep 920 mijë dollarë

Read Time:1 Minute, 3 Second

Ambasada amerikane në Tiranë ka zbuluar një pjesë të planeve të SHBA-ve për të mbështetur reformën e burgjeve në Shqipëri. Në një postim në “Facebook”, ambasada publikon një foto nga takimi mes drejtorit të përgjithshëm të Burgjeve Agim Ismaili dhe drejtoreshës së Byrosë për Çështjet Ndërkombëtare të Zbatimit të Ligjit dhe Luftës ndaj drogës në ambasadë.

Bëhet fjalë për një investim fillestar prej 920 mijë dollarësh që do jenë në shërbim të programeve shënjestër të të cilëve janë burgjet ku mbahen kriminelët më të mëdhenj.

“🇦🇱️ | Drejtoresha e Byrosë për Çështjet Ndërkombëtare të Zbatimit të Ligjit dhe Luftës ndaj Drogës në Ambasadën e Shteteve të Bashkuara Julie Craven u takua me Drejtorin e Përgjithshëm të Burgjeve Agim Ismaili për të biseduar mbi planet e Shteteve të Bashkuara për të mbështetur reformën e burgjeve në Shqipëri. Me në investim fillestar prej 920,000 dollarë, Byroja për Çështjet Ndërkombëtare të Zbatimit të Ligjit dhe Luftës ndaj Drogës do të ndërtojë programe që do shënjestrojnë burgjet ku mbahen disa prej kriminelëve më të mëdhenj.
Investimi i Shteteve të Bashkuara do të forcojë aftësinë e personelit të burgjeve për të ndalur dhe shkatërruar aktivitetin e paligjshëm pas hekurave dhe do të aktivizojë procese për të luftuar korrupsionin në sistemin penitenciar. #ShBANdihmonShqiperineTeLuftojeKorrupsionin”, shkruan ambasada amerikane.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Kujtohet 29-vjetori i rrëzimit të bustit të diktatorit, Ademi: Duhet një dhjetor i dytë, po ikin ata që u burgosën për një Shqipëri demokratike
Next post Zgjidhet gjyqtari për dosjen e Lulzim Bashës, kishte ‘në duar’ edhe Izet Haxhinë