Rivlerësimi i pasurive të paluajtshme/ Komisioni i Ekonomisë diskuton projektligjin

Read Time:1 Minute, 38 Second

Komisioni për Çështjet Ligjore, Administratën Publike dhe të Drejtat e Njeriut gjatë mbledhjes së ditës së sotme shqyrtoi projektligjin “Për rivlerësimin e pasurisë së paluajtshme”.

Nismëtari i këtij projektligji, Arben Ahmetaj u shpreh se, “thelbi i këtij projektligji është t’u japë një mundësi qytetarëve për të rivlerësuar pasuritë e patundshme, pronën e tyre me vlerën historike prej 3%. Komisioni për Ekonominë dhe Financat ka propozuar që kjo vlerë të ulet në 2%”.

Ahmetaj theksoi se, “ky projektligj do t’u japë mundësinë rreth 60 mijë familjeve të përfitojnë dhe gjithashtu është edhe një përfitim për buxhetin e shtetit. Mendojmë që për t’u ardhur në ndihmë qytetarëve tanë por edhe grupeve të interesit, shtrirja e periudhës së rivlerësimit të jetë 30 gusht 2020 po edhe mundësia e zgjatjes së kësaj periudhe deri më 30 shtator 2020 është një tjetër propozim në mënyrë që të përfitojnë edhe emigrantët të cilët gjatë kësaj periudhe kthehen në shtëpitë e tyre. Mendoj që ky projektligj duhet të prekë edhe qytetarët që janë në proces legalizimi por kjo i takon ligjvënësit të vendosë.”

Relatori i këtij projektligji, Bashkim Fino, duke falënderuar Ahmetaj për këtë propozim tha se, “ky propozim është një risi pozitive për shtimin e të ardhurave duke pasur parasysh faktin se edhe në të shkuarën ky projektligj ka pasur një interes të madh së pari nga qytetarët por edhe për buxhetin e shtetit. Ky projektligj është i domosdoshëm e duhet të realizohet”

Pas diskutimeve anëtarët e komisionit miratuan në parim, nen për nen dhe në tërësi projektligjin “Për rivlerësimin e pasurisë së paluajtshme” e vendosën t’ia përcjellin atë komisionit përgjegjës dhe seancës plenare.

Më pas, në cilësinë e komisionit për dhënie mendimi, Komisioni për Çështjet Ligjore, Administratën Publike dhe të Drejtat e Njeriut shqyrtoi dhe miratoi projektligjin “Për ratifikimin e marrëveshjes, ndërmjet Këshillit të Ministrave të Republikës së Shqipërisë dhe qeverisë së Republikës Federale të Gjermanisë, për bashkëpunimin financiar 2018 për projektin “Programi për infrastrukturën komunale V””.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Kompania e vëllait të Shemsi Prençit e rikonstruktoi 580 mln lekë, shkolla në Thumanë s’i rezistoi tërmetit tragjik, historia abuzive me rindërtimet
Next post Meta ‘flet’ me gjuhën e ndërkombëtarëve për Dvoranin: Mbrojtja e Integritetit të Gjykatës Kushtetuese, detyrë mbi detyrat!