Home Aktualitet “Po priste të festonte ditëlindjen, vogëlushja u zgjua mes britmave”, njihuni me 9-vjeçaren e letrës prekëse pas tërmetit

“Po priste të festonte ditëlindjen, vogëlushja u zgjua mes britmave”, njihuni me 9-vjeçaren e letrës prekëse pas tërmetit

nga Albina Hoxhaj

Letra e vogëlushes Klea Pushi dedikuar Forcave të Armatosura pas tërmetit të fuqishëm të 26 Nëntorit, u bë menjëherë virale.Mes rreshtash vogëlushja tregonte se si në atë ditë, kur ajo priste të festonte 9-të vjetorin e lindjes, u zgjua mes tronditjesh e britmash, por fatmirësisht ndodhej larg shtëpisë së saj në Durrës.

E ftuar në “Ftesë në 5” me Bieta Sulon, vogëlushja tha se e ka shumë të vështirë të shprehet dhe të gjitha mendimet i hedh në bllokun e saj, aty ku kishte shkruar edhe letrën falenderuese ndaj ushtarëve.

Tepër e lidhur me bashkëshortin e hallës, i cili po ashtu është pjesë e Forcave të Armatosura tokësore, Klea shprehu hapur falenderimin dhe dashurinë ndaj të gjithë “heronjve të heshtur” siç ajo preferoi t’i quante.

Një video surprizë erdhi nga të gjithë miqtë e saj me kapele, të cilët e kishin lexuar letrën dhe ishin prekur njëjtë si gjithë shqiptarët.

Tërmeti i 26 nëntorit rezultoi tragjik, pasi humbën jetën 51 personambi 900 të tjerë u lënduan dhe 47 u nxorën gjallë nga rrënojat. Ky tërmet shkaktoi edhe shumë dëme materiale, mijëra banesa janë dëmtuar dhe për këtë Rama ka ngritur Komitetin e Rindërtimit. Në total personat e prekur nga tërmeti janë rreth 13 mijë.

Shqipëria ka marrë ndihma të shumta nga disa vende, si Italia, Greqia etj./tch/

Lajme te ngjashme