Home Politike Socialistët kundër presidentit, Kuvendi rrëzon 8 dekretet e Metës

Socialistët kundër presidentit, Kuvendi rrëzon 8 dekretet e Metës

nga Albina Hoxhaj

Mazhoranca socialiste ka rrëzuar dekretet e Presidentit të Republikës, i cili kishte kthyer për rishqyrtim në Kuvend ligjet, për ndërtimin përmes formulës së Partneritetit Publik Privat të dy akseve rrugore, Milot-Balldren dhe Orikum-Dukat.

Kryeparlamentari Ruçi sqaroi se dekreti për rishqyrtim e humbet fuqinë kur kundër tij votojnë shumica e anëtarëve të kuvendit.

Me 19 vota pro 78 kundër dhe 4 abstenim, mazhoranca rrëzoi dekretin e presidentit “Për rezerva materiale të shtetit”. Gjithashtu kundër dekretit për rishqyrtim të ligjit “Për privatizimin dhe dhënien në përdorim shoqërive tregtare dhe institucioneve shtetërore të ndërmarrjeve apo objekteve të veçanta, mjeteve kryesore dhe mjeteve të xhiros së këtyre ndërmarrjeve” votuan 76 deputetë.

Me 22 vota pro, 76 kundër dhe 3 abstenim Kuvendi rrëzoi gjithashtu dekretin për 2015 “Për vetëqeverisjen vendore”. Një tjetër dekret i Presidentit i shfuqizuar me shumicë votash në seancë plenare ishte edhe ai për planifikimin dhe zhvillimin e territorit”, të ndryshuar” për të cilin votuan pro 23 deputetë, 76 kundër dhe 3 abstenuan. Me 22 pro, 76 kundër dhe 4 abstenim Kuvendi rrëzoi edhe dekrein për “Për koncesionet dhe partneritetin publik privat”, të ndryshuar ”.

74 deputetë u shprehën kundër dekretit “Për kthimin e ligjit nr. 51/2019 “Për miratimin e kontratës së koncesionit/PPP ndërmjet Ministrisë së Infrastrukturës dhe Energjisë, si autoriteti kontraktor, dhe “Gjikuria”, sh.p.k., si koncesionari, dhe shoqërisë koncesionare “Rruga Orikum – Llogara”, sh.p.k., për projektimin, ndërtimin dhe mirëmbajtjen e rrugës “Porti i jahteve – By-Pass Orikum – Dukat (ura e Shën Elizës)”.

Kuvendi rrëzoi edhe dekretin “Për kthimin e ligjit nr. 51/2019 “Për miratimin e kontratës së koncesionit/PPP ndërmjet Ministrisë së Infrastrukturës dhe Energjisë, si autoriteti kontraktor, dhe “Gjikuria”, sh.p.k., si koncesionari, dhe shoqërisë koncesionare “Rruga Orikum – Llogara”, sh.p.k., për projektimin, ndërtimin dhe mirëmbajtjen e rrugës “Porti i jahteve – By-Pass Orikum – Dukat (ura e Shën Elizës)”, për të cilin votuan 22 deputet pro 74 kunder 4 abstenim.

Sakaq dekreti i Presidentit të Republikës nr. 11255, datë 08.08.2019, “Për kthimin e ligjit nr. 52/2019 “Për miratimin e kontratës së koncesionit/PPP ndërmjet Ministrisë së Infrastrukturës dhe Energjisë, si autoriteti kontraktor, shoqërisë “ANK”, sh.p.k., si koncesionari, dhe shoqërisë “Bardh konstruksion”, sh.p.k., si shoqëria koncesionare, për projektimin, ndërtimin dhe mirëmbajtjen e segmentit rrugor Milot – Balldren”” u rrëzua me 77 vota në kuvend, 15 deputetë votuan pro ndërsa 11 abstenuan.

Kuvendi rrëzoi edhe kandidaturën e Petraq Milos, për postin e kryetarit të Kontrollit të Lartë të Shtetit, i dekretuar nga Presidenti Meta.

I menjëhershëm ishte reagimi presidentit nëpërmjet Tedi Blushit i cili shkruan se: “Tao Tao ka të drejtë që kandidaturat e propozuara nga Presidenti Meta për Kryetar të Kontrollit të Lartë të Shtetit janë të papërshtatshme, pasi asnjë prej tyre nuk ka qenë i dënuar më parë jashtë vendit për trafik droge, trafik prostitucioni apo vjedhje banesash.

Po kështu asnjë prej tyre nuk e ka marrë diplomën e shkollës së lartë, pa bërë fare të mesmen.

Presidenti Meta është i paaftë të propozojë kandidatë me rekorde kaq pozitive që do garantonin hapjen e negociatave në 18 tetor 2019 me ovacione nga të gjitha vendet anëtare.”

Lajme te ngjashme