Home Aktualitet BE-ja zbarkon të mërkurën në Tiranë, von Der Leyen: Fola në telefon me Ramën, kam respekt për shqiptarët

BE-ja zbarkon të mërkurën në Tiranë, von Der Leyen: Fola në telefon me Ramën, kam respekt për shqiptarët

nga Albina Hoxhaj

Komisionieri slloven i Menaxhimit të Krizave në BE Janez Lenarçiç ka vendosur që të mërkurnë e javës që vjen të vijë në Shqipëri, disa ditë pas tragjedisë së 26 nëntorit.

Në një postim në rrjetet sociale, presidentja e re Komisionit Europian Ursula von Der Leyen shkruan se ka respekt për shqiptarët dhe për mënyrën se si e kaloi situatën e tërmetit.

Presidentja tregon gjithashtu se ka folur në telefon me kryeministrin Edi Rama dhe se nëpërmjet tij është informuar për gjendjen e vështirë në Shqipëri.

 “Janez Lenarçiç do të udhëtojë në Shqipëri të mërkurën. I kam kërkuar të më informojë vazhdimisht për situatën. Sapo fola me kryeministrin e Shqipërisë Edi Rama, i cili më tregoi për situatën e vështirë në vend pas tërmetit. Kam një respekt të madh për popullin shqiptar, i cili është treguar i qetë pavarësisht kushteve të rënda. Dua t’i sigurojë shqiptarët se BE-ja është pranë tyre me dhimbje dhe veprim,”-shkruan Von Der Leyen.

Lajme te ngjashme