Home Aktualitet Bardhi i përgjigjet Ramës: Pas çdo krimi qëndron një përfaqësues i Rilindjes

Bardhi i përgjigjet Ramës: Pas çdo krimi qëndron një përfaqësues i Rilindjes

nga Albina Hoxhaj

Sekretari i Përgjithshëm i PD Gazment Bardhi i përgjigjet deklaratave të Edi Ramës pas arrestimi të nippit të deputetit të PS Rrahman Rraman, si i implikuar në atentatin ndaj prokurorit Arjan Ndoj.

“E solli dhe e mban në pushtet krimi, ndaj pas cdo krimi qendron nje perfaqesues i Rilindjes. Rama po u nxjerr ujin e zi shqiptareve.

Kush e ka penguar Edi Ramen t’i nxjerrë ujët e zi, Elvis Roshit, Arben Ndokës, Arben e Mark Frrokut? Ai i mbrojti ata, edhe kur u faktua botërisht se ishin trafikantë, përdhunues, vrasës.

Kush e ka penguar Edi Ramen t’i nxjerrë ujët e zi Tom Doshit e Vangjush Dakos, që janë në listën e zezë të SHBA, por sot, njërit i ka dorëzuar pushtetin në Shkodër, tjetrit në Durrës.

Kush e pengoi Edi Ramen t’i nxjerrë ujët e zi Valdrin Pjetrit, Agim Kajmakut e Mark Babanit që i kandidoi në votimet e 30 Qershorit dhe i mbrojti deri në fund?!

Kush e detyroi Edi Ramen ta mbrojë Rrahman Rrajen dhe bandën e tij, që kërcënon, dhunon, vjedh, por për ta drejtësia nuk ekziston, sepse ata sigurojnë pushtetin e Edi Ramës.

Edi Ramen e solli dhe e mban në pushtet krimi, prandaj pas çdo krimi qëndron një përfaqësues i Rilindjes.

Edi Rama po u nxjerr ujët e zi vetëm qytetarëve të zakonshëm.

Që kriminelët të shkojnë pas hekurave, që korrupsioni të mos gllabërojë çdo pasuri të këtij vendi duhet të largohet Edi Rama dhe të japë llogari para drejtësisë.

Kryetar i organizatës KÇK është sot Edi Rama”, shkruan Bardhi në profilin e tij zyrtar.

Lajme te ngjashme