Një atentat me armë zjarri ka ndodhur në mbikalimin e Shkozetit ndaj prokurorit të Durrësit, Arjan Ndoja. Kanë nisur menjëherë aludimet e cilit ishin atentatorët ndaj tij, që qëlluan makinën e prokurorit në lëvizje.
Gazetarja Klodiana Lala në një lidhje direkte ka dhënë detajet e para lidhur me ngjarjen, ku tre persona kanë mbetur të plagosur dhe një person ka humbur jetën.
“Po hetohet për çështjen se ngjarja ka lidhje për shkak të detyrës së prokurorit. Nga hetimet e deritanishme flitet për një atentat, makina e prokurorit është qëlluar me armë zjarri. Dyshohet se bëhet fjalë për një personazh problematik rreth zonës së Sukthit, policia është bënë në ndjekje të tij. Ka qenë një anëtar i mirëorgnaizuar. Ndoji më herët ka bërë detyrën e avokatit dhe ka mbrojtur emra të njohur të krimit”, tha Klodiana Lala.