Kryemadhi: LSI angazhohet për të bërë kartën e fermerit dhe subvencion sipas prodhimit

Në emër të LSI mbështesim kërkesat e fermerëve dhe i përkrahim ata totalisht për protestën e ditës së mërkurë.
LSI ka një program të qartë për mënyrën e subvencionimeve në bujqësi, për bërjen e kartës së fermerit, që do ndihmojë ata për rimbursimet e TVSH. Kemi një program të qartë për blegtorinë.
Unë dhe LSI nuk premtojmë, Ne angazhohemi seriozisht, japim fjalën. Premtime bën Rilindja që nuk ka bërë asgjë tjetër veç tyre.
Për LSI dhe opozitën Fermerët, blegtorët, biznesi i vogël dhe i mesëm janë të parët. Kjo na dallon nga Rilindja, ata kanë oligarkët dhe krimin e organizuar, me ata grabisin votat, me ata po rrënojnë dhe duan të zhbëjnë Shqipërinë.
Ndaj të gjithë bashkë në mbrojtje të fermerëve, që këto ditë janë në presion të bandave dhe policisë si në kohën e zgjedhjeve për të mos marrë pjesë në protestën e së mërkurës.
Nga kjo foltore, garantoj ata, që si minj natën shkojnë e kërcënojnë fermerët, se drejtësia nuk ka për t’i harruar.
Duke shprehur dhe njëherë mbështetjen e pakursyer ndaj njerëzve punëtor e të ndershëm të vendit, I bëj thirrje fermerëve, bashkohuni në protest për të drejtat tuaja legjitime, mos braktisni djersën dhe gjakun tuaj, mos lejoni askënd t’ju nëpërkëmbë. Bashkë do të fitoni!

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %