Kryebashkiaku i Tiranës, Erion Veliaj ka vijuar me publikimin e makinave luksoze të cilat gjobiten për parkim të gabuar.
Në një postim në rrjetet sociale, Veliaj ka publikuar foton e një makine super lukzose, të llojit “Rolls Royce Ghost”.
“E ça se ke Rolls Royce? #LironiKorsite”- shkruan Veliaj krahas fotos ku shihet bisha lukzose, identike me atë që përdor djali i biznesmenit Ramë Geci, Andi, i njohur edhe si ish- i dashuri i Françeska Jaçes.
Gjithsesi nuk dimë të themi nëse bëhet fjalë për të njëjtën makinë, pasi kryebashkiaku ia ka mbuluar targën makinës që ka gjobitur.
Andi Geci, djali i biznesmenit të fuqishëm në Shqipëri që është edhe pronari i hoteli 15-katësh “Tirana International Hotel”, njihet për jetë e luksit që bën.
Vetëm para pak muajve ai mori në përdorim makinën e llojit Rolls Royce Ghost, seria 2, extended wheel base (versionin 6 metrat i gjatë) dhe me një motor 6.6 L v12, një automjet i cili kushton plot 500 mijë euro. /dosja.al/
