Home Aktualitet Përplasja e policisë me serbët në Mitrovicë, reagon BE: Të ndalen menjëherë incidentet e dhunshme në veri të Kosovës

Përplasja e policisë me serbët në Mitrovicë, reagon BE: Të ndalen menjëherë incidentet e dhunshme në veri të Kosovës

nga Editor

Shefi i Lartë për Politikë të Jashtme të BE-së, Josep Borrell iu është bashkuar reagimeve në lidhje me incidentet e sotme në veri të Mitrovicës, ku Policia e Kosovës po zhvillonte një aksion kundër kontrabandës së mallrave.

Borrell përmes një reagimi në Twitter ka shkruar se incidentet e dhunshme në veri të Kosovës duhet të ndalen menjëherë.

“Incidentet e dhunshme në veri të Kosovës duhet të ndalen menjëherë.

Veprimet e njëanshme dhe të pakoordinuara që rrezikojnë stabilitetin janë të papranueshme. Të gjitha çështjet e hapura duhet të adresohen përmes Dialogut të lehtësuar nga BE. Ne jemi në kontakt me Beogradin dhe Prishtinën”, -ka shkruar Borrell.

Gjatë aksionit të sotëm në veri, policia është sulmuar nga serbët lokalë me gur, shok bomba, gaz lotsjellës e mjete të tjera. Si rezultat i kësaj gjashtë pjesëtarë të policisë janë lënduar kurse janë arrestuar tetë persona.

Lajme te ngjashme

error: Alert: Content is protected !!