Home Aktualitet Flet bariu që shkoi i pari pranë avionit të rrëzuar në Kelmend: Pashë një grua dhe dy burra, për 45 minuta morën diçka nga avioni dhe e futën në fuoristradë, më thanë largohu

Flet bariu që shkoi i pari pranë avionit të rrëzuar në Kelmend: Pashë një grua dhe dy burra, për 45 minuta morën diçka nga avioni dhe e futën në fuoristradë, më thanë largohu

nga Editor

Kolë Vuçaj, bariu i Kelmendit që shkoi i pari në vendin ku u rrëzua dje avioni “piper”, ka treguar se çfarë ka parë në momentin e parë dhe personat që ishin aty. Sipas bariut, kur avioni është rrëzuar dhe ai ka vrapuar të ndihmonte personat që ndodheshin në të, por nuk ka mundur. Menjëherë aty ka ardhur një fuoristradë e bardhë, tregon ai dhe për 45 minuta kanë transportuar “diçka” nga avioni në makinë. Vuçaj thotë se nuk e di se çfarë kishte në avion, pasi personat që ndodheshin aty nuk e kanë lejuar të afrohej. “U afrova, por nuk me lanë që të shkoj deri tek avioni. Më bërtitën tre herë dhe një herë bërtita edhe unë. Më thanë largohu, po të them largohu dhe unë u largova. Pastaj nga larg kam parë me dylbi dhe ishte një fouristradë dhe aty ishte njëri që po bënte roje që të mos afrohej askush, kurse dy të tjerë po transportonin diçka nga avioni në makinë. Se çfarë po transportonin unë nuk e di, por di që diçka po transportonin”, ka thënë ai.

Intervista e bariut për News 24:

Si e ke parë avionin fillimisht?

Kolë Vuçaj: Nga ora 8:30 e mëngjesit ka ardhur dhe është futur në zonën e Vermoshit në pjesën që ne i themi asfalti i Velipojës këtu në Vermosh. Ka shkuar dhe ka qëndruar në një fushë rreth gjysëm ore pastaj është ngritur nga aty në drejtim të Vermoshit sërish, unë isha me bagëtitë në mal dhe kam dëgjuar dy krisma, një të vogël dhe një të madhe pastaj. Kur dëgjova krismën e madhe mendova se avioni është rrëzuar. Pas krismës unë shkova në vendngjarje për të dhënë ndonjë ndihmë se mendova se janë të aksidentuar. U afrova, por nuk me lanë që të shkoj deri tek avioni. Më bërtitën tre herë dhe një herë bërtita edhe unë. Më thanën largohu, po të them largohu dhe unë u largova. Pastaj nga larg kam parë me dylbi dhe ishte një fouristradë dhe aty ishte njëri që po bënte roje që të mos afrohej askush kurse dy të tjerë po transportonin diçka nga avioni në makinë. Se çfarë po transportonin unë nuk e di por di që diçka po transportonin.

Sa vetë ishin total?

Kolë Vuçaj: Në total ishin tre vetë, të gjithë në tokë. Në avion brenda se di sa kanë qenë por në tokë ishin tre persona ku dy bënin transportin dhe njëri nuk lejonte të tjerët që të afroheshin. Personi që bëntë roje ishte rreth 3 metër larg nga avioni.

Sa orë ka qëndruar fouristrada aty?

Kolë Vuçaj: Unë kam ikur por di që afërsisht 45 minuta deri në një orë kanë qëndruar aty duke bërë transportin nga avioni në fouristradë.

Arrite që ti njohësh ata persona?

Kolë Vuçaj: Jo nuk kam njohur asnjë prej tyre. Njëri ishte rreth 35-vjeç ndërsa dy të tjerët nuk i kam parë shumë mirë. Një m’u duk sikur të ishte femër dhe ajo shpejtonte duke bërë transportin e gjërave nga avioni në fouristradë. Një tjetër ishte rreth 40 e ca vjeç dhe ky ishte personi që nuk më la mua të afrohem por edhe tre të tjerë që erdhën pas meje as ata nuk i la të afroheshin. Unë jam afruar deri në 50 metër nga avionic, por nuk arrita të dalloj se çfarë kishte brenda avionic, sepse është zonë me pyje dhe nuk dallohej nga 50 metra larg ku isha unë. Vetëm shihja avionin dhe ata njerëzit duke bërë transportin.

Menjëherë të urdhëruan që të mos afrohesh?

Kolë Vuçaj: Menjëherë sapo më panë. Ndal mos u afro më thanë. Çfarë keni i pyeta unë, largoju nga këtu po të them mu drejtuan sërish. Mos bërtit i thashë dhe ata përsëri m’u drejtuan po të them largohu dhe unë mendova se janë policia dhe u largova se po ta dija që çfarë ishin, nuk do largohesha gjallë por mendova se janë policia.

Lajmërove dikënd pas ngjarjes?

Kolë Vuçaj: Nuk kisha mundësi se unë isha me bagëti dhe nuk kisha internet por as per të folur në telefon. Tre të tjerët që erdhën pas meje mbase mund të kenë lajmëruar por unë nuk kisha mundesi, shkova thjeshtë për t’i dhënë ndihmë. As tre të tjerët nuk i kanë lënë që të afrohen. Dhe një orej tyre i ka thënë ne jemi malësorë dhe kemi ardhur t’ju ndihmojmë nëse keni diçka nevojë por i ka thënë largohu, largohu, ik, ik i kanë thënë edhe atyre. Ne shkuam vetëm për t’i ndihmuar se menduam se aksident dhe kur rrëzohet një avion dikush mund të humb jetën por ata nuk e pranuan ndihmën tonë. Për këtë ne kemi dyshime.

Fouristrada nuk dihet nga ka ikur?

Kolë Vuçaj: Janë larguar në drejtim të Vermoshit por se ku fiks nuk e dimë dhe as ata personat nuk i njohim. Edhe në dialekt nuk ishin as të zonës por as nga veriu i Shqipërisë. Më të kufizuar në dialekt m’u dukën, më të frenuar.

Lajme te ngjashme

error: Alert: Content is protected !!