Home Aktualitet TRONDITËSE NË LEZHË/ Vritet polici në krye të detyrës, ishte duke kontrolluar për parcela me kanabis (Pamje nga vendngjarja)

TRONDITËSE NË LEZHË/ Vritet polici në krye të detyrës, ishte duke kontrolluar për parcela me kanabis (Pamje nga vendngjarja)

nga Editor

Një krim i rëndë ka ndodhur paraditen e kësaj të marte në zonën Ishull të Lezhës, ku është vrarë me armë zjarri një punonjës i policisë së shtetit.

Burime bëjnë me dije se si pasojë e përdorimit të armës së zjarrit është vrarë oficeri i krimeve Saimir Hoxha. Ky i fundit ka qenë në krye të detyrës në momentin që është qëlluar me armë zjarri dhe është gjetur i pajetë në kanal.

Forca të shumta policie kanë rrethuar zonën ku ka ndodhur vrasja, ndërsa burime jozyrtare bëjnë me dije se mbi të kanë qëlluar kultivues të bimëvë narkotike.

Hoxha, 44 vjeç ka qenë pjesë e një grupi kontrolli të policisë, për parcela të dyshuara me lëndë narkotike, në momentin që është qëlluar me armë zjarri.

Derimë tani policia nuk ka asnjë të dhënë në lidhje me këtë ngjarje tronditëse, që vë në alarm rendin dhe sigurinë në vend, ku trafikantët e drogës, tashmë kanë qëlluar mbi vetë punonjësit e rendit.

Kjo është një nga ngjarjet më të rënda që ka ndodhur në këto vitet e fundit, ku trafikantët qëllojnë me armë në mes të ditës në një zonë mjaft të populluar.

Lajme te ngjashme

error: Alert: Content is protected !!