Home Politike Armëpushim 120 orësh/ Trump zbyth Erdoganin

Armëpushim 120 orësh/ Trump zbyth Erdoganin

nga Editor

Nënkryetari Mike Pence dhe Sekretari i Shtetit Mike Pompeo njoftuan të enjten se ata kanë arritur një marrëveshje armëpushimi midis Turqisë dhe kurdëve, pas një takimi me Presidentin turk Rexhep Tajip Erdogan në Ankara.

Marrëveshja vjen disa orë pasi doli një letër në të cilën Presidenti Trump paralajmëroi Erdogan që të mos jetë një “budalla” dhe “djalë i ashpër” në lidhje me një operacion në veri-lindje të Sirisë.

Të gjitha operacionet ushtarake do të ndalen për 120 orë dhe SHBA do të ndihmojë në lehtësimin e “tërheqjes së rregullt” të trupave të drejtuara nga kurdët nga ato që Turqia e ka cilësuar si “zonë të sigurt” në kufi.

Turqia nisi sulmin e saj javën e kaluar. Ai synonte të shtynte luftëtarët kurdë nga kufiri dhe të krijonte këtë “zonë të sigurt” për të rivendosur refugjatët sirianë.

Kritikët kanë frikë se kjo mund të çojë në spastrim etnik të popullatës kurde në rajon.

Ofensiva ndërkufitare erdhi pasi Presidenti amerikan Donald Trump nxori forcat amerikane nga zona.

Vendimi i tij ka shkaktuar një mori kritikash brenda dhe jashtë vendit, me disa që e akuzojnë atë se i dha presidentit turk Rexhep Tajip Erdogan një “dritë jeshile” për operacionin.

Ka reaguar edhe presidenti Trump:

Lajm i shkëlqyer nga Turqia. Konferencë për shty së shpejti. Falemindeirit Erdogan, miliona jetë do të shpëtohen.

Lajme te ngjashme

error: Alert: Content is protected !!